Qeveria miraton disa projektstrategji
Me të filluar mbledhja e Qeverisë, ministri i Punëve të Brendshme, Bajram Rexhepi ka shpalosur projekt-udhëzimin administrativ për funksionalizimin, detyrat dhe përgjegjësitë e Qendrës Kombëtare për Menaxhimin Kufitar, e cila është miratuar.
Duke shpalosur Projekt-strategjinë Kombëtare për Menaxhimin e Integruar të Kufirit Shtetëror, ministri Rexhepi ka thënë se kjo strategji kombëtare është hartuar duke u bazuar në Ligjin për kontrollin dhe mbikëqyrjen e kufirit shtetëror.
Ai ka thënë se kjo strategji është e nevojshme, pasi që, siç ka thënë ai, është në pajtim me standardet ndërkombëtare.
“Kjo strategji ka për qëllim ndërtimin e mekanizmit të nevojshëm në pajtim me standardet ndërkombëtare për ruajtjen e kufirit shtetëror. Kjo strategji është vazhdimësi e strategjisë 2009-2012. Ajo është e ndarë në tri shtylla, bashkëpunimi brenda agjencisë, ndërmjet agjencive dhe bashkëpunimi ndërkombëtar”, ka thënë Rexhepi.
Gjithashtu, është miratuar edhe Projekt-strategjia kombëtare kundër drogave për vitin 2012-2017 dhe planit të veprimit.
Sipas ministrit, Rexhepi kjo strategji ka për qëllim ndërtimin e mekanizmit me qëllim avancimin e luftës kundër drogave dhe dukurive negative, përmes rritjes së bashkëpunimit ndërmjet institucioneve përgjegjëse. Edhe kjo është vazhdimësi e strategjisë së 2009-2012.
Po ashtu, është miratuar Projekt-strategjia kombëtare kundër terrorizmit për vitin 2012-2017.
Ministri i Punëve të Brendshme ka theksuar se kjo strategji ka ndihmuar në ngritjen e kapaciteteve institucionale për parandalimin dhe luftimin e terrorizmit. Kjo strategji ka për qëllim ngritjen e bashkëpunimit në nivel vendi, por edhe ngritjen në nivel ndërkombëtar.
Gjithashtu është miratuar edhe Projekt-strategjia kombëtare kundër krimit të organizuar për vitin 2012-2017 dhe plani i veprimit.