Qeveria, para per pensione speciale dhe kurim jashte vendit

Qeveria mori diten e djeshme disa vendime sociale, te cilat lidhen me dhenien e pensioneve te vecanta, per disa pensioniste dhe po keshtu per mbulimin e shpenzimeve te kurimit per dy qytetare. Keshilli i Ministrave mori dje vendimin, qe t'i akordoje pension special shtate pensionisteve. Keshtu nga ky vendim perfituan; Yzeir Poshi, Isuf Kasapi, Nestro Nepravishta, Rexhina Hanxhari, Vilhelme Haxhiraj, Robert Jashari dhe Tahir Bacova. Sipas vendimit te qeverise, keta persona kane te drejte te marrin nje shtese pensioni te posacem shteteror, ne masen e pensionit maksimal, por shuma e pensionit plus kete shtese, te mos kaloje dyfishin e pensionit maksimal. Po dje me propozim te Ministrise se Shendetesise, qeveria vendosi t'i akordoje nje shume prej nje milion lekesh, Pajtim Senkaj, i cili kurohet ne Turqi. Ky fond sipas vendimit, do te perballohet nga fondi rezerve i buxhetit te shtetit. Po keshtu, pagesa do te kryhet me paraqitjen e faturave origjinale te institucionit te kurimit. Nga fondet e qeverise per kurim, perfitoi dje edhe Jetmir Muja, i cili kurohet ne Greqi. Me vendim te Keshillit te Ministrave, dje u vendos qe Mujes, t'i akordohet nje fond prej nje milion e dyqind mije lekesh, per trajtimin e tij. Ne menyre te herepashershme qeveria ka marre masa, per te mbuluar me shpenzimet e saj kurimin e disa personave, te cilet per shkak te problemeve dhe komplikacioneve, kurohen ne spitalet jashte vendit tone. Nga ana tjeter qeveria stimulon me pensione speciale, pensioniste qe kane kontribuar pergjate jetes se tyre per vendin dhe jane shquar, ne fushat ku kane vepruar.

F.Mejdini