Qeveria siguron kredine 250 milione euro per rrugen Durres-Kukes

Ministria e Financave siguroi nje kredi prej 250 milione eurosh e cila do te perdoret per shpenzime kapitale kryesisht per financimin e rruges Durres-Kukes. Ministri i Financave Ridvan Bode nenshkroi dje pasdite marreveshjen per kredine sindikale me Alpha Bank dhe Deutsche Bank. Sipas burimeve zyrtare kredia merret per te financuar nevojat e buxhetit te shtetit per shpenzime kapitale per vitin 2009, duke perfshire financimin e mbetur te rruge Rreshen-Kalimash. Kjo kredi do te shperndahet ne dy transhe. Transhi i pare prej 95 milione euro, do te disbursohet brenda ketij muaji dhe transhi i dyte prej jo me teper se, 155 milion eurosh do te shperndahet brenda muajit qershor. Ne transhin e pare, bankave rregulluese iu bashkua dhe Banka e Pireut (Tirana Bank) ne rolin e Rregulluesit Kryesor te Bashkuar (Joint Lead Arranger) me nje kontribut prej 20 milion eurosh, si dhe Banka Kombetare Tregtare me nje kontribut prej 11 milion eurosh. Nje numer i madh bankash te tjera, me aktivitet nderkombetar, por edhe lokal, kane shprehur interes per t'u perfshire ne sindikaten e gjere qe do te disbursohet ne formen e nje transhi te dyte. Ky zhvillim, pozitiv, sipas ministrise se Financave tregon edhe nje here besimin qe institucionet financiare nderkombetare kane ne ekonomine tone dhe ne ecurine e reformave te ndermarra nga qeveria. Financat garantojne, gjithashtu se, marrja e kesaj kredie do te rrise stabilitetin financiar ne vend dhe do te zvogeloje ndjeshem nevojen e qeverise per te financuar buxhetin nga tregu i brendshem bankar.

Perdorimi

Kredia u sigurua qysh vitin e kaluar nepermjet nje tenderi te hapur nderkombetar, por disbursimi i saj u sigurua kete vit. Kredia do te financoje nevojat e buxhetit te shtetit per shpenzime kapitale per vitin 2009, duke perfshire financimin e mbetur te rruge Rreshen-Kalimash.