Qeveria vendos qe KESH te importoje energji deri me 31 dhjetor 2012

Qeveria ka miratuar vendimin që KESH të importojë energji elektrike deri në fund të vitit për furnizimin e konsumatorëve si dhe mbulimin e humbjeve në sistemin e shpërndarjes.
Sipas këtij vendimi të Këshillit të Ministrave KESH lejohet të importojë energji deri në 31 dhjetor të këtij viti, për garantimin e furnizimit të pandërprerë të konsumatorëve me energji elektrike në vend. Sigurimi i burimeve financiare për kryerjen e importit të energjisë nga KESH si dhe për shlyerjen e detyrimeve të prapambetura, për importin e energjisë elektrike të realizuar nga Korporata në periudhat e mëparshme, do të realizohet nga Ministria e Financave. 
Ndërsa kostoja financiare e importit të energjisë për mbulimin e humbjeve në sistemin e shpërndarjes do t’i faturohet shoqërisë CEZ Shpërndarje.