Qytetarët, ku mund të telefonohet policia

Policia e Tiranës ka ripublikuar edhe njëherë numrat e gjithë shërbimeve të saj, me qëllim rritjen edhe më shumë të bashkëpunimit me qytetarët për zbardhjen e gjithë ngjarjeve të mundshme. Strukturat e Drejtorisë së Policisë së Qarkut Tiranë, duke i kushtuar një vëmendje të veçantë shërbimit dhe dhënies ndihmë ndaj qytetarëve, publikuan edhe një herë numrat telefonikë për të informuar për probleme apo incidente të ndryshme. Në këtë kontekst, policia fton qytetarët nëse mund të ndodhen përpara një situate emergjente të denoncojnë pranë organeve të saj, në rastet e vjedhjeve apo grabitjeve, në mënyrë që policia të marrë masa të shpejta për kapjen e autorëve dhe vënien e tyre përpara organeve të drejtësisë. Një kontribut për kapjen e personave në kërkim ka dhënë edhe komuniteti, i cili në vazhdimësi ka mbështetur strukturat policore dhe ka bashkëpunuar me to dhe përmes telefonatave në numrin publik 129. Ndërkohë, për çdo padrejtësi të vërejtur nga punonjësit e policisë, ju mund të denonconi në zyrat e Shërbimit të Kontrollit të Brendshëm, pranë Drejtorisë së Policisë së Qarkut Tiranë. Për t‘ju ardhur në ndihmë, Policia e Tiranës ripublikon numrat telefonikë të Komisariateve të Policisë, që ajo ka juridiksion.

Numrat e telefonit

Drejtoria e Policisë së Qarkut Tiranë: 129, pa pagesë

Salla Operative: 22 81 52, 24 83 33,

Zyra e Marrëdhënieve me Publikun & Mediat: 23 57 40

Komisariati i Policisë Nr.1: 22 44 45

Rajoni i Policisë në "Qytetin Studenti": 34 62 31

Komisariati i Policisë Nr.2: 22 33 22

Rajoni i Policisë Vorë: 60 04 64

Komisariati i Policisë Nr.3: 22 45 29

Reparti i Policisë Laprakë: 35 77 56

Komisariati i Policisë Nr.4: 36 68 26

Komisariati i Policisë Nr.5: 20 01 82

Komisariati i Policisë Nr.6: 35 18 90

Komisariati i Policisë Rrugore: 22 68 01 dhe 126 pa pagesë

Komisariati i Policisë Rinas: 36 59 13

Komisariati i Policisë së Objekteve: 22 68 01

Komisariati i Policisë Kavajë: 055443723

Rajoni i Policisë Rrogozhinë: 05772070

Posta e Policisë Golem: 05 79 22 273