Rama: Bajrami një ditë e fjalëve dhe gjesteve të mira

Pas vizitës në Medresenë e Tiranës ku u takua me krerët e Komunitetit Mysliman Shqiptar, z. Rama theksoi se kjo ditë duhet të jetë ditë e fjalëve dhe veprave të mira.

"I uroj të gjithëve që të kenë fjalë e gjeste të mira kudo që jetojnë. Uroj që kjo ditë dhe jo vetëm, të jetë e mbarë", deklaroi kreu i opozitës.

Në pritjen e organizuar nga Komuniteti Mysliman ishte e pranishme edhe kryetarja e Kuvendit të Shqipërisë, Jozefina Topalli. Sipas znj. Topalli, në këtë ditë të shenjtë veç fjalëve të mira duhen edhe veprime të tilla.