Rama: Berisha, enverist tipik

Shkodër- Kreu i Partisë Socialiste, Edi Rama, gjatë turit të tij elektoral vizitoi qytetin e Shkodrës. Në bastionin demokrat të post pluralizmit, kryesocialisti sulmoi liderin e opozitës Berisha duke e akuzuar atë si tipik enverist dhe se po mban peng Shkodrën.

Rama u foli shkodranëve në gjuhën e At Fishtës e me mesazhet e Hilë Mosit. Ai kërkoi votat e shkodranëve për të larguar Berishën nga politika. Rama i mëshoi sërishmi politikës së re dhe mundësive reale për brezin e ri që do të sjellë ndryshimi pas 28 qershorit.