Rama: Berisha, ta harroje Tiranen Qamil Xhani

Kryetari i Partise Socialiste deklaroi dje se mazhoranca duhet ta harroje drejtimin e kryeqytetit. Ne hapjen e fushates se kandidates se selise roze, per ne njesine bashkiake numer 1 Lindita Nikolla, kreu i PS-se ka theksuar se projekti i tij per kryeqytetin do te vazhdoje, ndersa ka akuzuar kundershtarin politik se po i vjedh idete e programit te tij per Tiranen. "Ne vend qe te beje premtime te kopjuara keq nga programi yne i zhvillimit duhet te jape llogari per taksen e pameshirshme te inflacionit. Duhet t'i jape llogari Tiranes per vrasjet, grabitjet, genjeshtrat dhe per balten qe kane hedhur mbi punen tone te palodhur. Lindita eshte Tirana qe ne duam", tha dje kryetari i Partise Socialiste Edi Rama ne takimin e zhvilluar me anetaret dhe simpatizantet e PS-se, ne njesine bashkiake numer 1. Ai ka sjelle ne vemendje te banoreve dhe zhvillimin qe ka pesuar kryeqyteti, gjate ketyre viteve. "Na e lane Tiranen ne gjendje te mjerueshme, duke tentuar t'a marrin me dhune. Ta harroje Tiranen. Ne vend qe te bejne premtime mashtruese, duhet t'i japin llogari per keqqeverisjen e tyre", tha dje kryetari i PS-se, Edi Rama. Ai ka theksuar dhe nje here daljen mbi te majten dhe te djathten, duke u shprehur se Partia Socialiste ka treguar me pune se nuk di te beje dallime, mes njerezve. "Ne e kemi treguar me vepra jo me fjale, se qytetaret nuk jane blu apo te roze, por respektohen te gjithe njelloj, nen flamurin kuq e zi te Republikes tone. Ne kemi qene dhe jemi fitues ne Tirane, sepse puna jone, projekti yne, morali yne eshte fitues ne Tirane", tha dje kryesocialisti Rama. Kreu i selise roze ka vleresuar me superlativa kandidaten e koalicionit te majte ne kete njesi bashkiake. Sipas tij, Lindita Nikolli eshte modeli i drejtuesit vendor qe mendon per njerezit, duke dale edhe jashte hapesirave qe ka pozicioni i saj publik. "Lindita eshte Tirana qe ne duam, ndaj politikes se vjeter te ndasive, te monstrave qe mashtrojne, te pushtetit qe flet dhe mendon per veten. Lindita eshte arsye per t'i thene Saliut; kurre me grabitje pasurish te popullit, kurre me nje pushtet qe mbron ministra dhe kryeministrin nga drejtesia, kurre me mungese monopolesh , kurre me ndaj pushtetit te medias me para te pista dhe kurre me presion psikologjik mbi njerezit", tha Rama. Ai ka shtuar se ata qe kerkojne sot votat per Tiranen kane treguar se nuk dine te qeverisin dhe kane probleme me drejtesine. Rama theksoi se PS-ja nuk kerkon vetem drejtimin e bashkise, por edhe shumicen ne keshillin bashkiak per te drejtuar me mire kryeqytetin. "Na e lane Tirane si mos e zot me keq, me nje keshill bashkiak qe mblidhej ne restorante dhe sot kane nxjerre nje kukull te Saliut per te mbledhur votat, sepse duan te marrin peng, sic kane marre peng gjithe Shqiperine", tha dje Rama.