Rama: Monumenti i parë në botë për përvjetorin e një ngjarjeje

Qesharake deri në turp. Kështu e ka cilësuar kryesocialisti Edi Rama, projektin për monumentin e 100 vjetorit të pavarësisë, të miratuar nga komiteti ndërministror. Në një reagim të tij në rrjetin social twitter Rama e quan të pabesueshëm faktin faktin sesi qeveria bën projektin dhe nuk ka gjetur akoma një vend për ta fiksuar.
 

“E padegjuar ne histori: Qeveria ben projekt per nje monument dhe pastaj thote tani te kerkojme per t`i gjetur nje vend!Injorance e papare...
E dyta:Ky do jete monumenti i pare ne bote jo per nje ngjarje po per pervjetorin e nje ngjarjeje,nderkohe qe monumentin e ngjarjes e kemi!
Dhe e treta:Projekti i monumentit paraqitet nga ministri ne qeveri me nje bllok me vizatime ne dore!Unikale edhe kjo,qesharake deri ne turp!” shkruan Rama.
 

Gjatë paradites së sotme, teksa qeveria në mbledhjen e saj i ka dhënë ok monumentit, kryeministri Berisha nuk la pa sulmuar kreun e PS, Edi Rama.

“Bijtë e shqipes do të donin shqipen diku, por le t`ia lënë kryetarit të bashkisë të hapë një konkurs për të bërë një shqiponjë që të bëhet simbol i Tiranës. Ai që ishte nuk ngriti asgjë, shpëndau një kartolinë, jo për vlerësimin artistik apo për njohuritë që ka për artin dadaist, po sepse është dadaist në politikë” tha Berisha.