Rama: Pro referendumit, me kushtin qe populli te pyetet dhe per paketen e PS-se

Kreu socialist, Edi Rama, reagoi dje menjehere, pas propozimit te kryeministrit Sali Berisha, pro zhvillimit te referendumit popullor, per kufizimin e imunitetit te zyrtareve te larte te shteti. Por, kreu socialist kerkon, qe ne kerkesen per referendum, t'u lihet ne dore shqiptareve te ndryshojne kushtetuten, vetem per imunitetin apo edhe propozimet e PS-se. "Si thua Sali? Nese ke kuraje. jo per t'u tallur me popullin, po per t'u ballafaquar me opoziten perpara popullit, eja bejme referendumin! Keshtu. le t'ua leme shqiptareve ta ndajne. a duhet ndryshuar ne Kushtetute vetem pika e imunitetit. apo edhe propozimet e tjera te opozites", - shkruan Rama, ne rrjetin e tij social, ne Twitter. Sipas tij, le te vendose populli edhe per kete ceshtje. "Perderisa per imunitetin kemi rene dakord, e per ndryshimet e tjera Saliu fshihet, le t'i ballafaqojme hapur me popullin, vizionet e argumentet. Referendum per imunitetin? Gati ta pyesim popullin, per gjithe paketen e ndryshimeve kushtetuese per drejtesine, ky do ishte referendumi real", - theksoi Rama.