Rama: Programi ynë, ndryshim rrënjësor arsimit

TIRANE- Kreu i PS-se, Edi Rama permes profilit te tij ne Twitter ka uruar per nje vit te mbare te gjithe nxenesit, studentet, mesuesit e pedagoget dhe ka premtuar se programi i PS-se  do ta ndryshoje rrenjesisht arsimin shqiptar.

Sipas tij, me kete program, jo vetem do rriten rrogat e mesuesve, po do t’u rikthehet mesuesve dinjiteti dhe autoriteti i neperkembur keq ne keto vite corodie ne arsim.

“Jo vetem do vendosim rregulla te forta per arsimin privat qe parate e prinderve mos shkojne dem, po do fuqizojme ndjeshem arsimin publik. Jo vetem do ndertojme shkolla te reja, po nuk do lejojme qe femijet te mbeten pa shkolle per mungese librash e mundesish ne familjet e varfra”- shkruan Rama.

Ai thekson se PS,  jo vetem nuk do e fshehe me analfabetizmin qe rritet, po do ta filloje betejen per rilindjen e arsimit me nje test kombetar per kete.

“Jo vetem do rivendosim parimin e konkurences ne prodhimin e teksteve  shkollore, po do garantojme tekste shkollore te standarteve europiane. Jo vetem do nxisim perparimin ne futjen e teknologjise se re ne sistemin arsimor, po do investojme edhe per sportin ne shkolle e universitet”- shkruan ai.

Rama pranon se arsimi eshte politika me e mire ekonomike dhe permes arsimit PS do forcoje bazat e rilindjes se ekonomise familjare e kombetare.

“Mesuesi, mjeku, polici do jene tre sherbetore te denje te shoqerise sone po edhe tre pika referimi te dinjitetit dhe autoritetit te shtetit”- shkruan Rama ne Twitter.