Rama: Une s'do jem nje kryeminister si Berisha e Meta

Kryetari i Partise Socialiste, Edi Rama, duke iu drejtuar diten e djeshme qytetareve te Burrelit, deklaroi se do te jete nje kryeminister ndryshe nga Berisha dhe te tjere qe jane provuar e sterprovuar. "Une nuk do te jem nje Kryeminister si Sali Berisha dhe te tjere qe jane provuar e sterprovuar dhe sot ua kerkojne perseri voten tuaj, megjithese as nuk dine dhe as nuk munden dhe as nuk duan te bejne ndonje gje tjeter, apo ndonje gje ndryshe nga c'kane bere ne keto 18 vjet", deklaroi Rama gjate fjales se mbajtur ne mitingun e zhvilluar ne veri te vendit. Por sipas tij, vota per ta, eshte vota per nje tjeter qeveri e krijuar nga te njejtet njerez per te njejtat interesa, per te njejtat oborre familjare e klanore. "Vota per ta eshte vote per te bere edhe kater vjet te tjera te njejtat pazare e "xhuvelizma" si vitet qe iken, me te njejtat rezultate deshperuese qe prej 18 vjetesh i paguani vetem ju, per nje loje qe mund ta luajne vetem ata", theksoi lideri socialist. Ai sqaroi se nuk do te jete kryeministri i nje qeverie qe ben biznes per nje familje te vetme dhe ndan pasurite e vendit me klientet e pushtetit te familjes kryeministrore. "Do te jem kryeministri i njerezve dhe nuk do te rri ne krye te qeverise per te mbajtur fjalime pa pika e pa presje nga tryeza e qeverise sic ben Sali Berisha. As per t'ju treguar pse duhet te jeni te lumtur me Shqiperine qe e blejne nje euro familja ime, klientet e pushtetit te saj dhe sherbetoret e qeverise time, sic ben Sali Berisha, as pse duhet te jemi krenare me tunele qe hapen me gjysmen e parave tuaja, nderkohe qe gjysma tjeter, po e parave tuaja, shkon per shpenzime dhe qoka te familje dhe te oborrit kryeministror, sic ben Sali Berisha", vleresoi lideri i selise roze. Duke kerkuar voten e burrelasve per t'u bere Kryeminister, Rama theksoi se ne ate detyre nuk do te jete as per t'i ulur taksat dhe per t'i rritur rrogat me doren e djathte dhe pastaj per t'ua marre leket xhep me xhep me doren e majte sic ben Sali Berisha. "Une do te jem nje Kryeminister per ju dhe do te jem bashke me ju, aty ku jane problemet sic kam qene kater vjet me radhe ne opozite per t'ju degjuar se cmund te beni per te dale nga kjo situate e patolerueshme dhe neser jo me per te diskutuar per se si mund te bejme, por per ta bere realitet ate qe na duhet per Shqiperine", tha Rama. Duke vijuar me tej, kryesocialisti vleresoi se me 28 qershor shqiptaret kane mundesine historike qe te kapercejne, pertej te majtes dhe te djathtes, per nje shtet te te gjithe qytetareve, per nje shtet qe jep uje, drita, pune, rend e siguri te gjitheve. Rama dje ka vleresuar fort kandidatin Qemal Minxhozi, si deputetin qe ka bere shume per kete zone, duke bere thirrje qe te vleresohet. Aleksander Ndoja