Rama ka përjashtuar dhe do përjashtojë të tjera figura me kontribute historike në PS

Kastriot Islami, sekretar për Çështjet Zgjedhore

Kastriot Islami jep alarmin për mbarë socialistët, se në selinë rozë mbizotëron fryma e përjashtimit dhe përndjekjes së “mendimit ndryshe”, që nuk është indoktrinuar nga mendimi radikal i kryetarit. Islami tha se një pjesë e socialistëve po mbështesin qëndrimet anti – evropiane të PS, gjë e cila s’ka ndodhur kurrë në historinë e kësaj force politike. “Njerëz që kanë krijuar dhe kanë luftuar për modernizimin e Partisë Socialiste dhe e kanë bërë atë pjesë të internacionales socialiste, arrijnë deri sa të mbështesin bojkotin. Figura të shquara të Partisë Socialiste mbështesin qëndrime anti – evropiane. Nuk ka ndodhur në historinë e PS-së që kjo forcë politike të refuzojë kërkesën e Sekretarit të Departamentit të Shtetit për votimin e një ligji, siç ishte ai i ngritjes së Gjykatës Administrative”- tha dje Islami. Pse është përjashtuar Musa Ulqini, pse nuk është më Edlira Haxhiymeri, Saemira Pino etj, etj. Përgjigjen shokët tanë; jo janë aty. Sepse dikush i ka instruktuar mos i hiqni, por lërini aty që të largohen dalëngadalë dhe ndodh ajo që i ndodhi Musa Ulqinit, që 34 ditë para datës së zgjedhjeve i thanë që nuk je më”- deklaroi më tej, Kastriot Islami, sekretar për Çështjet Zgjedhore në Partinë Socialiste.