"Rama, po nxjerr parate e fushates me lejet"

Akuza te forta te kreut te Transporteve, ndaj kryebashkiakut njeheresh kryetarit socialist, Edi Rama. Ministri i Transporteve, Sokol Olldashi deklaroi nje takim me banoret e Dajtit, se plani Urbanistik i Tiranes ka tete muaj qe ka perfunduar, por ai nuk miratohet per shkak te abuzimeve qe kryebashkiaku Edi Rama, kerkon te bej ne prag te fushates zgjedhore me te. Ish-rivali i Rames per bashkine e Tiranes, dy vite me pare, e akuzoi kryebashkiakun e kryeqytetit se kishte dhene 18 leje ndertimi vetem ne mbledhjen e fundit te KRRT-se. Sipas ministrit Olldashi, keto leje i jane dhene vetem nje njeriu, ish-drejtorit te Urbanistikes, Alban Eftimit, i cili eshte bashkepunetori dhe ortaku me i ngushte i Edi Rames. "Plani Urbanistik i Tiranes ka 8 muaj qe ka mbaruar dhe nuk kalon hallkat e miratimit, sepse duhet qe te shiten lejet e ndertimit, duhet qe Alban Eftimi te kaloje 18 leje, ne nje KRRT nga e cila kryetari i bashkise do te nxjerre edhe parate e fushates do te beje edhe qokat e tij politike", deklaroi Olldashi gjate takimit me banoret e komunes se Dajtit. Ministri i Transportit deklaroi se qeveria ku ai ben pjese, ka luftuar korrupsionin edhe ne radhet e veta, duke cuar me shume se 100 zyrtare ne ndjekje penale. Sipas Olldashit, gjate periudhes 8 vjecare te qeverisjes socialiste, asnje zyrtar nuk shkoi ne ndjekje penale per kete fenomen.

F.M