Rama takon ministrat e PS: Ngrini strukturat
Pas publikimit te emrave te kabinetit te koalicionit te majte qe do te marre detyren ne muajin shtator, dje kryetari i Partise Socialiste Edi Rama ka zhvilluar nje takim me anetaret e kabinetit. Paraditen e djeshme, per rreth nje ore ne seline e PS-se, Rama ka diskutuar me ministrat e Partise Socialiste per ngritjen e administrates dhe kabineteve respektive per cdo ministri. Ne takimin e zhvilluar dje nuk kane marre pjese 5 ministrat e Levizjes Socialiste per Integrim, nderkohe qe 14 ministrat e tjere te PS, perfshire dhe zevendeskryeministrin Niko Peleshi kane qene te pranishem ne takimin me kryesocialistin. Zyrtarisht Partia Socialiste nuk ka dhene informacion per temat e bisedes, ndersa mesohet se Rama u ka dhene nje sere keshillash ministrave te tij. Mesohet se Rama eshte fokusuar me shume tek administrata e ardhshme e secilit dikaster qe do te drejtohet nga ministrat e PS, duke kerkuar nga ata qe te fillojne menjehere nga puna per ndertimin e struktures dhe zgjedhjen e eksperteve qe duan ne kabinetet qe do te drejtojne. Burime nga PS ben te ditur se takimi eshte pjese e konsultimeve qe kryeministri i zgjedhur Edi Rama do te zhvilloje me ministrat e kabinetit deri betimin e qeverise. Tema kryesore e takimeve eshte hartimi planeve per koordinimin e strukturave ne qeverisje dhe pergatitja per nisjen e detyrave me berjen e betimit nga ana e qeverise. Pergjate nje muaji, deri ne betimin e qeverise, pritet qe kreu i PS-se te zhvilloje dhe takime te tjera me ministrat e zgjedhur nga radhet e Partise Socialiste. Ndersa pritet dhe mbledhje koordinuese me ministrat e Levizjes Socialiste per Integrim. Dy dite me pare, kur kreu i PS-se beri te ditur emrat e kabinetit, u shpreh se qeveria do te pergatitet qe te nis zbatimin e programeve qe ne diten e pare te punes. “Ne duam qe qysh ne diten e pare te fillojme te qeverisim, jo te njihemi me punen qe kemi perpara”,- u shpreh Rama. Lidhur me takimet koordinuese, Rama te kabinetit, Rama eshte shprehur se ministrat duhet te njihen me punen qe i pret dhe te jane ne avance me ngritjen e kabineteve. “Eshte e udhes qe te gjithe ministrat te marrin detyrat paraprake dhe te njihen me permbajtjen e punes se tyre, te mendojne dhe pastaj te punojne bashkerisht per ato ndarje qe i duhen bere dikastereve ekzistuese”,- eshte shprehur kryesocialisti Edi Rama. Pjese e takimit te djeshem mes Rames dhe ministrave ka qene dhe dhenia e keshillave per sjelljen dhe komunikimin ne publik te anetareve te kabinetit.
Programi qeverises
Pas emrave te kabinetit qeverises qe do te marre detyren ne shtator, Partia Socialiste dhe Levizja Socialiste per Integrim pritet te finalizojne brenda pak diteve dhe programin qeverises per 100 ditet e para te qeverise se re. Konsultimet kane nisur prej kohes mes PS-se dhe LS-se, sic kane deklaruar perfaqesuesit politik te dy partive eshte rene dakord per pjesen me te madhe te pikave qe lidhen me programin. Pritet qe ne ditet ne vijim, anetaret e kabinetit te kene kontakte me te shpeshta per hartimin e planit dhe projekteve qe do te realizohen me marrjen e detyres.