Raportuesit e Këshillit të Evropës, në vizitën e tyre të radhës në Tiranë, nga datat 3 - 5 nëntor

Tirana do të vizitohet nga data 3-5 nëntor nga dy bashkëraportuesit e Shqipërisë në Komisionin e Monitorimit të Asamblesë Parlamentare të Këshillit të Evropës (PACE), Jako Laakso dhe David Uillshir. Sipas një njoftimit të KE-së, bashkëraportuesit do të vijnë me një tjetër mision faktmbledhës për të parë nga afër respektimin e detyrimeve dhe angazhimeve nga ana e Shqipërisë, sipas detyrimeve të Këshillit të Evropës. Pas vizitës ata pritet të finalizojnë një raport, i cili do të debatohet në seancën plenare të PACE-s që do të zhvillohet në datat 25-29 janar. Agjenda e takimeve parashikohet të jetë e ngjeshur, pasi janë planifikuar intervista e takime me Presidentin e Republikës, Kryeministrin, Kryetarin e Parlamentit, ministrin e Punëve të Jashtme, atë të Brendshëm dhe të Drejtësisë, si dhe me Kryetarin e Gjykatës Kushtetuese. Në fund të vizitës, ata do të mbajnë diskutime me përfaqësues të Drejtorisë së Përgjithshme të Burgjeve, gjatë një vizite që është planifikuar të zhvillohet në një burg