Reagon pedagogu i akuzuar ne peticion dhe dekani Shezai Rrokaj

Pas akuzave, drejtuar profesor Gjovalin Grudes ne nje peticion, ka reaguar vete pedagogu, i cili shprehet se ai peticion eshte shkruar nga nje dore e vetme, me qellim denigrimin e figures se tij. Keshtu, pedagogu i lendes se Gjeomorfologjise ka deklaruar se asgje qe thuhet ne ate peticion te falsifikuar nuk eshte e vertete. "Ne ate peticion jane 49 studente qe kane munguar ne provim dhe qe nuk kane te drejte te ankohen, ndersa jane edhe 20 te tjere qe kane marre note kaluese. Pra, gjithsej jane 70 studente qe nuk kane asnje arsye logjike, qe te nenshkruajne ne ate peticion", rrefen Gruda. Ai tregon se keto dite ka pasur mjaft reagime nga ana e studenteve, te cilet kane shprehur cudine kur kane pare emrin e tyre ne peticion. Sipas profesor Grudes, nje element tjeter qe verteton falsifikimin, eshte se te gjithe studentet jane shkruar sipas rendit alfabetik, gje qe nuk mund te ndodhe. "Nuk e kam idene se kush e ka bere. Por, jam gati qe te ballafaqohem, qofte para organit te drejtesise, apo qofte edhe para atij personi, ose grupi personash. Madje, do te thoja qe nese nuk me con ai ne prokurori, do ta coj une ate ne prokurori", thote Gruda, mjaft i indinjuar per veprimin e qellimshem qe pretendon se eshte bere ne drejtim te tij. Ndersa nje reagim te forte ka pasur edhe dekani i Fakultetit te Historise dhe Filologjise, Shezai Rrokaj. "Ne teresi, permbajtja e ketij peticioni konsiston ne shpifje, dhe mua me rezulton se eshte e njejta dore qe ka vene firmat. Kam bere nje verifikim ne procesverbalet e studenteve kalues, ndersa nje pjese tjeter me ka ardhur ne zyre dhe me kane thene se c'jane keta emra. Me rezulton se dikush, me te drejte a pa te drejte ka perdorur emrat e te tjereve", thote Rrokaj.