Real Madrid, pas Evras

E përditshmja sportive spanjolle Marca ka raportuar se Real Madridi ka identifikuar Patrice Evran si përforcimin e nevojshëm për krahun e majtë të mbrojtjes.

Gjiganti madrilen është i gatshëm të paraqesë ofertë prej 22 milionë eurosh për transferimin e Evras në Santiago Bernabeu.

Reprezentuesi francez ka qenë shtyllë e Djajve të Kuq pas kalimit nga Monaco më 2005 dhe tashmë është përzgjedhur në ekipin më të mirë të vitit në Premierligë.