Real Madrid, të pakënaqurit në merkato

 

Pasi ka përfunduar fushatën e blerjeve të bujshme, tashmë në shtëpinë e Real Madrid ka vetëm rrjedhje. Shitja e sulmuesit Huntelar do pasohet edhe nga largimi i Shnajder, i cili është në gjurmët e Aston Villa-s. Sipas gazetës “The Guardian”, klubi madrilen kërkon 18 milionë euro për të. Në të njëjtën kohë, rivalja e përjetsheme e Real Madrid, Atletiko Madrid është vënë në ndjekje të dyshes argjentinase, Gago-Higuain. Sipas zërave nga kryeqyteti spanjoll, marrëveshja e dyfishtë mund të mbyllet brenda pak ditësh.