Real ne krye Mourinho shijon momentin e bukur
Jose Mourinho shijon momentin e shkëlqyer të Realit të Madridit, i cili ka marrë kryesimin e kampionatit pasnjoll pas 11 muajsh vuajtje nën dominimin e rivalëve të përjetshëm të Barcelonës. Madrilenët kanë regjistruar një ecuri positive, ndërsa humbja e Levantes të dielën ka bërë që ata të renditen të vetëm në vendin e parë të Primera Division. Një arritje kjo që e ka bërë Mourinhon akoma më të papërmbajtshëm sa i përket vetkënaqësisë.
“Kemi dëgjuar dhe duruar shumë gjëra, por skuadra flet në fushë dhe ja ku jemi. Në vendin e parë dhe aty do të na shihni për një kohë të gjatë. Unë isha i bindur për këtë, ashtu siç jam i bindur te forca e skuadrës që këtë sezon mund të fitojë gjithçka”, ka bërë të ditur portugezi. Tjetër betejë e fituar e Mourinhos është forma e Rikardo Kaka. I përfolur dhe shpesh herë i vendosur në listën e largimeve, braziliani është kthyer në një lider të vërtetë për Realin e Madridit.
“Asnjëherë nuk kam dyshuar te kualiteti i Rikardos. Asgjë nga ato që është thënë për të ardhmen e tij nuk është e vërtetë. Ai është një lojtar i rëndësishëm për skuadrën”, ka përfunduar Jose Mourinho. Pas javës së 10 të kampionatit spanjoll, Reali i Madridit numëron 25 pikë, një më shumë se Barcelona e vendit të dytë.
Nertan Prifti
“Kemi dëgjuar dhe duruar shumë gjëra, por skuadra flet në fushë dhe ja ku jemi. Në vendin e parë dhe aty do të na shihni për një kohë të gjatë. Unë isha i bindur për këtë, ashtu siç jam i bindur te forca e skuadrës që këtë sezon mund të fitojë gjithçka”, ka bërë të ditur portugezi. Tjetër betejë e fituar e Mourinhos është forma e Rikardo Kaka. I përfolur dhe shpesh herë i vendosur në listën e largimeve, braziliani është kthyer në një lider të vërtetë për Realin e Madridit.
“Asnjëherë nuk kam dyshuar te kualiteti i Rikardos. Asgjë nga ato që është thënë për të ardhmen e tij nuk është e vërtetë. Ai është një lojtar i rëndësishëm për skuadrën”, ka përfunduar Jose Mourinho. Pas javës së 10 të kampionatit spanjoll, Reali i Madridit numëron 25 pikë, një më shumë se Barcelona e vendit të dytë.
Nertan Prifti