Reali pranon ofertën e Shtutgart për Huntelar

Reali i Madridit është i gatshëm të pranojë ofertën e Shtutgartit për Klas Jan Huntelar. Klubi gjerman është i gatshëm të paguajë 20 milionë euro (18 + 2 shtesë në bazë të paraqitjeve) për sulmuesin holandez. Lojtarit do t‘i ofrohet kontratë 4-vjeçare me rrogë 3.8 milionë euro në sezon, aq sa përfiton aktualisht në "Santiago Bernabeu". Huntelar ka refuzuar Lionin dhe tashmë duhet t‘i kthejë përgjigje Shtutgartit, ku shihet si pasardhës i Gomez, i cili u transferua te Bajerni i Mynihut.