Rebelët kurdë vrasin 8 ushtarë turq

Sulmi ndodhi në Yuksekova, afër kufirit me Irakun dhe Iranin. Televizioni shtetëror turk thotë se trupat tokësore të mbështetur nga helikopterët janë vënë në ndjekje të sulmuesve.

Mijëra rebelë të Partisë Punëtore të Kurdistanit besohet se strehohen në pjesën veriore të Irakut, dhe prej andej herë pas here sulmojnë trupat turke.

Që prej vitit 1984, kur Partia e Punëtorëve të Kurdistanit ngriti armët kundër ushtrisë turke, vlerësohet se kanë humbur jetën mijëra persona.

Burimet e Sigurisë thanë për “Reuters”-in se rebelët kishin kaluar kufirin mes Turqisë dhe Irakut për të sulmuar një postë ushtrie, dhe më pas ishin rikthyer në Irak./Start/F. P/

                                                                                             2012-06-19 13:50