Reforma, PS jep formulen, te djathtet sot bisedime

Dy blloqet politike po pergatisin terrenin per ballafaqimin ne Kuvend per reformen zgjedhore. Socialistet, dje kane materializuar dhe skemen e llogaritjes se deputeteve. Ndersa te djathtet sot mbledhin tryezen per te diskutuar propozimet e PS. Nderkohe qe vijojne bisedimet, legale dhe ilegale, per arritjen e nje akordi per sistemin.
Islami
Partia Socialiste shfaqet e pergatitur per te gjitha elementet perberes, qe lidhen me pergatitjen e reformes zgjedhore. Pas propozimeve per reformen kushtetuese dhe ate zgjedhore, se fundmi kampi roze ben publik dhe formulen me ane te se cilen do te behet e mundur dhe ndarja e mandateve per deputete ne Kuvend. Keshtu, ndalur ne kete ceshtje, bashkekryetari socialist ne komisionin per reformen zgjedhore, Kastriot Islami, vuri ne dukje se “ka disa formula, por mendohet te jete ajo qe quhet metoda e Hondit, qe realizon nje ndarje te shpejte. Metoda e Hondit apo e pjesetuesit, kerkon qe nga njeri krah vihen perqindjet e partive politike dhe nga ana tjeter vihet pjesetuesi, qe ne rastin e metodes se Hondit jane 1,2, 3, 4, 5 e keshtu me radhe dhe pjesetohen shifrat e perqindjes me kete pjesetues. Me pas renditen sipas madhesise vlerat qe dalin”. Nderkohe qe, ne varesi te numrit te deputeteve qe ka nje zone, ai do te jete dhe numri i deputeteve qe do te fitojne, bazuar ne listen e kandidateve per deputete. Pra, sipas Islamit, nese nje zone e caktuar do te perfaqesohet ne Kuvend nga 7 deputete do te fitojne 7 te paret ne liste, ne rast se do jene 9 deputete, serish do te fitojne 9 te paret, e keshtu me radhe. Gjithashtu, Islami vleresoi se “pas miratimit te sistemit te ri zgjedhor ne Kushtetute, ai do te kthehet ne orientim per komisionin e reformes zgjedhore, i cili do te duhet ta perktheje ate ne Kodin Zgjedhor ne gjithe elementet me konkrete”.
Mediu
Kreret e partive te djathta do te mblidhen diten e sotme, te kryesuar nga kreu i PD-se, Berisha, ne nje tryeze te perbashket per te diskutuar ne lidhje me reformen zgjedhore. Kete mbledhje e konfirmoi dje kreu i Partise Republikane, ministri i Mbrojtjes, Fatmir Mediu. Ne lidhje me paketen e re te propozuar nga PS per ndryshimet ne Kushtetute, ai la te kuptohej se PR nuk ishte kunder kesaj nisme. “Ndryshimet ne Kushtetute per sa i perket reformes zgjedhore, te cilat jane propozuar nga Partia Socialiste dhe mbeshtetur njekohesisht nga Partia Demokratike, duhet te jene nje proces i hapur dhe transparent”, deklaroi Mediu, ne nje prononcim per mediat. Kreu i republikaneve uli tonet edhe per sistemin zgjedhor. Sipas Mediut, eshte e rendesishme qe cdo sistem qe te zgjidhet te implementohet ne menyre te drejte. “Ceshtja e sistemit zgjedhor nuk eshte kaq preokupante sa c'pretendohet ne politiken shqiptare, pasi cdo sistem zgjedhor eshte i mire kur implementohet drejt, dhe nese ne do te kemi vullnetin per te mos lene hapesira ne kodin elektoral”, deklaroi Mediu. Per te, vendi i vetem ku duhet te merren vendime per reformen eshte komisioni i posacem parlamentar, nderkohe qe mohon mundesine e daljes nga koalicioni.
O.Xhilaga/F.Mejdini