PS: Firmat e dyshimta, miliona euro
Rozeta Rapushi
Partia Socialiste akuzon qeverine se po u jep pune e para kompanive te dyshimta dhe po u beson tendere te rendesishem. Nenkryetari i Grupit socialist, Erion Brace, tha dje nga foltorja e Kuvendit se ka parregullsi te medha nga qeveria ne perzgjedhjen e kompanive per tendere te rendesishem, si ai per kartat e identitetit, rruges Levan-Tepelene apo by-pasin e Fierit. “Po u besoni miliona euro firmave me nje te kaluar te zeze. Po u jepni tendere te rendesishem, kur dihet se disa kompani kane abuzuar e kane probleme te medha”, tha Brace, duke dyshuar te Kryeministri e qeveria e tij si te perfshire ne keto afera. Ne kete vorbull, nenkryetari i Grupit socialist perfshiu dhe prokurimet publike te bera per disa segmente rrugesh, ku prokurimi, sipas Braces, eshte po i dyshimte. “Keto vepra te infrastruktures publike jane financuar pjeserisht nga shteti dhe pjeserisht nga Banka Evropiane. Procedurat qe jane ndjekur per prokurimin e tyre kane qene te bazuara ne rekomandimet e Bankes Evropiane te Investimeve dhe BERZH”, replikoi ministri i Transporteve, Sokol Olldashi. Por sqarimi i ministrit nuk mjaftoi per socialistin. Sipas Braces, eshte i nevojshem qe te behet verifikimi i kompanive qe konkurrojne ne tendere, pasi kane probleme te medha me ligjin. “Keto informacione jane ne vemendje te ministrit, por dhe te komisionit per t’u marre me keto gjera se jane ceshtje themelore per Shqiperine dhe shqiptaret”, vijoi nenkryetari Grupit socialist. Ne tenderet e permendura me siper per kartat e identitetit dhe te rrugeve, Brace tha se kompanite kane defekte te medha. “Kam foto, kur policia sllovene hyn ne zyrat e kompanise TC dhe bastis gjithe zyrat, sekuestron materialet dhe shoqeron ne polici gjithe stafin drejtues te kompanise, e cila eshte klasifikuara e para ne dy tendere te objekteve te rendesishme te infrastruktures rrugore. Informacionet jane te disponueshme ne cdo site”, theksoi socialisti. Ndaj, Brace i meshoi dhe njehere faktit se eshte mire qe te verifikohen keto kompani, pasi behet fjale jo per pak, por mbi 180 milione euro. “Eshte turp per Shqiperine qe Sllovenia i merr dhe i arreston perfaqesuesit e ketyre kompanive, ndersa Shqiperia i mirepret, madje i jep dhe pune”, vijoi ai. Brace theksoi se qeveria po merret me kompani qe kane akuza te medha, ndaj ne asnje lloj menyre projekte te rendesishme nuk duhet te lihen ne duar te ketyre kompanive. Por, per te djathtet ne pushtet, situata nuk eshte kaq alarmante. Perkundrazi, ministri i Brendshem, Bujar Nishani, replikoi se nuk ndalohet dhenia e ofertes per asnje kompani qe kerkon te paraqese dokumentet. “Ne perberje te listes se kompanive qe kane marre pjese ne kete tender ka dhe kompani qe kane probleme serioze, vecanerisht ne ryshfete, ne blerje te ministrave dhe sekretareve te shtetit dhe se fundi ne moszbatimit te kontratave vecanerisht ne Republiken e Kosoves”, vijoi Brace.