Reforma, drejtesia ne "gijotine"

Rozeta Rapushi
Sistemi i drejtesise duhet te ndryshoje ne thelb dhe te jete me transparent. Ky ishte perfundimi i diskutimeve te zhvilluara dje ne debatin e hapur per reformen ne drejtesi, organizuar nga Keshilli i Larte i Drejtesise. Mbi 250 te pranishem nga prokuroria, gjyqesori, politika, juriste dhe eksperte te fushes analizuan ne thelb problemet qe po has sistemi i drejtesise, si dhe hodhen propozime konkrete per permiresimin e tij. "Sistemi gjyqesor ka vazhduar te funksionoje ne menyre te varfer, per shkak te mangesive ne pavaresi, transparence dhe eficence. Keto simptoma te sistemit jane te shperhapura pothuajse ne te gjitha segmentet e tij te prokurorise, ekzekutimit te denimeve dhe ne avokati e noteri", tha ministri i Drejtesise, Enkelejd Alibeaj. Ne kuader te reformes, ministri propozoi trajtime me te mira per gjyqtaret dhe sistem te ri per ngritjen ne detyre e karriere, si dhe hapjen e gjykatave administrative. Ndersa nenkryetari i KLD-se, Kreshnik Spahiu, u shpreh se ka ardhur momenti qe te zgjidhet njehere e mire problematikat qe lidhen me reformen ne gjyqesor. Spahiu kerkoi konkretisht nga politika qe bjere dakord per heqjen e imunitetit per gjykatesit dhe prokuroret si dhe kufizimin e mandatit te Kryeprokurorit. Propozim qe u mbeshtet dhe nga Kryeprokurorja e sapozgjedhur, Ina Rama. "Imuniteti i gjyqtareve duhet limituar dhe te mos jete mbrojtje per t'u hetuar per veprat penale te korrupsionit. Spahiu kerkoi dhe bashkepunimin e te gjithe eksperteve te fushes per realizimin sa me te mire te reformes. I pranishem ne debatin e hapur, shefi i delegacionit te Komisionit Evropian, Helmut Lohan, i beri thirrje politikes qe te bashkepunoje per realizimin me ne fund te kesaj reforme. Sipas Lohan, politika duhet ta percaktoje si prioritet dhe te marre kohen qe i nevojitet per te bere kete reforme. Prezent ne debat ishin dhe disa krere te partive politike te majta si Neritan Ceka PAD, Paskal Milo PDS, apo Pellumb Xhufi nga LSI. Partia Socialiste u prezantua me juristin Ylli Manjani, duke mos pranuar te marre pjese ne tryeze me nivel te larte politik. Ndersa socialdemokratet e Skender Gjinushit refuzuan te marrin pjese. Kreu i PAD-se, Neritan Ceka, dha mbeshtetjen e tij per realizimin e reformes. "Ne presim imputin tuaj e jemi te gatshem per nje reforme serioze qe vjen nga gjiri juaj", tha Ceka. Ndersa, Pellumb Xhufi tha se per realizimin e reformes eshte e nevojshme qe te arrihet mirebesimi midis forcave politike. "Reforma ka dhe nje kontekst politik, sepse politika ka rolin e saj shume te rendesishem", vecoi Xhufi. Te pranishem ne debat ishin te ftuar prokurore, gjyqtare, juriste, deputete te forcave te ndryshme politike, si dhe drejtues te institucioneve te pavarura.
Bashkimi
KLD, prokurore, gjyqtare, juriste dhe partite politike bashkohen per reformen ne drejtesi. Te gjithe se bashkua nenvizuan dje ne debatin e hapur zhvilluar per reformen se eshte e domosdoshme realizimi sa me shpejt i saj. Ne krah dolen te gjitha forcat politike, pervec Partise Socialdemokrate qe u rezervuan per t'u bashkangjitur duke mos besuar te Kryeministri.
Thirrja
Kryeministri Berisha e vleresoi si pozitive klimen e krijuar ne vend per kryerjen e reformes ne drejtesi. Sipas Berishes, Keshilli i Larte i Drejtesise po merr rolin qe i takon per te dhene kontribut ne kete reforme, qe eshte jetesore per vendin. Berisha u beri thirrje mediave te hiqnin dore nga titujt sensacionale, ne menyre te pasqyronin qarte bashkepunimin e forcave politike per reformat e rendesishme ne vend.
Ankesa
Shkelqim Hajdari, emri i perfolur si kandidat i mundshem per prokuror te pergjithshem pas shkarkimit te Sollakut, u ankua dje ne debatin e hapur per reformen ne drejtesi mbi disa procedura. Sipas tij, duhet te rregullohet ligj qe ne rast se nje prokuror i shkarkuar fiton gjyqin, ai duhet te rikthehet ne pune dhe jo te paguhet per nje vit. Por dhe transferimi i prokuroreve, te behet duke marre pelqimin e tyre.

Thane
Helmut Lohan:
"Keto konsultime intensive per reformen ne drejtesi me te gjitha palet e interesuara jane shume te nevojshme. Ky eshte nje hap i rendesishem qe ndermerret ne kete proces. Reforma legjislative kerkon edhe procedura parlamentare te organizuara mire qe mundesojne kohen e mjaftueshme per te bere analizen dhe debatin ne Parlament. Forcat politike duhet te vendosin prioritetet ne lidhje me reformen e gjyqesorit".
Kreshnik Spahiu:
"Ka ardhur momenti qe Keshilli i Larte i Drejtesise te krijoje nje model te ri te te qenit aktiv, duke evidentuar problematika dhe ceshtje qe lidhen me reformen ne gjyqesor. Jo per te imponuar mendimet tona, por per te koordinuar punen me qellim pergatitjen e ekspertizes per reformen ne drejtesi. Eshte shume e rendesishme pjesemarrja e prokuroreve, gjyqtareve, juristeve e specialisteve ne kete reforme".
Enkelejd Alibeaj:
"Sistemi gjyqesor ka vazhduar te funksionoje ne menyre te varfer, per shkak te mangesive ne pavaresi, transparence dhe eficence. Keto simptoma te sistemit jane te shperhapura pothuajse ne te gjitha segmentet e tij te prokurorise, ekzekutimit te denimeve dhe ne avokati e noteri. Duhet diskutuar mbi idene e krijimit te gjykatave te posacme te specializuara si gjykatat administrative".
Sabri Godo:
"Per reformen ne drejtesi duhet te ndermerret nje debat i gjere publik dhe gjitheperfshires. Po te kemi nje drejtesi, tek e cila do te besoje qytetari, mund te hyjne ne rrugen e zgjidhjes edhe problemi shume i nderlikuar i prones private. Duhet te gjenden forma per ta zhvilluar me tej debatin dhe te ftohen ne keto debate te gjitha palet, pasi drejtesia u intereson te gjitha paleve".
Ina Rama:
"Kufizim te mandatit te Kryeprokurorit"
Prokurorja e Pergjithshme, Ina Rama, kerkoi dje qe reforma ne drejtesi te preke dhe sistemin e akuzes, si dhe u shpreh pro kufizimit te mandatit per postin qe mban. Ne fjalen e mbajtur ne debatin e hapur per reformen ne drejtesi, Kryeprokurorja e sapozgjedhur, beri thirrje qe patjeter kjo reforme te preke institucionin qe ajo drejton. "Te rritet pavaresia per prokuroret dhe te shoqerohet me percaktim kompetencash me te medha, qe i lejojne me pas prokurorit me te larte per shkak te hierarkise qe ka organi i akuzes te realizoje nje kontroll me te detajuar dhe te nxjerre pergjegjesite qe jane individuale", tha Rama. Kryeprokurorja propozoi gjithashtu qe te rikonsiderohet legjislacioni per organizimin dhe funksionimin e policise gjyqesore. Rama theksoi se me ardhjen e saj ne krye te organit te akuzes ka konstatuar nje ngerc i madh per sa i perket funksionimit te ushtrimit te ndjekjes penale, dhe sidomos pjeses se hetimit te ceshtjeve penale. Kryeprokurorja, duke prekur dhe ceshtjen me te debatueshme per mandatin e saj, qe eshte i vetmi qe nuk ka limit, tha se personalisht eshte pro kufizimit ne kohe te tij ashtu si te gjitha institucionet e tjera kushtetuese. Rama kerkoi me shume vullnet politik per realizimin e reformes dhe percaktimin nese do i bashkengjitet ekzekutivit, apo do jete pjese integrale e gjyqesorit.