Topi: Politika te terhiqet

Rozeta Rapushi
Ekspertet e juristet profesioniste do te marrin ne dore reformen ne drejtesi, per t'i dhene nje material te gatshem politikes per ta hedhur ne votim e kthyer ne nje ligj te mirefillte. Ne kulmin e indiferences se forcave politike qe nuk po bejne asnje hap per reformen ne drejtesi, Presidenti Bamir Topi kerkoi dje ne debatin e hapur publik se duhet te dilet nga kjo situate, duke propozuar dhe zgjidhje konkrete. "Profesionistet duhet t'i japin nje material gjysme te gatshem politikes per reformen ne drejtesi, qe natyrisht do te zhvilloje debatin e vet politik dhe do te marre vendime te rendesishme ne Parlament, atje ku shprehet vullneti politik i popullit shqiptar", tha Topi. Kreu i shtetit kritikoi faktin se prej vitesh faktoret politik abuzojne me reformen dhe asnje nuk ka dhene teze konkrete se ku duhet te shtrihet kjo reforme. Kur dihet se realizimi i saj eshte nje nga kerkesat kryesore te Bashkimit Evropian, nga ku varet dhe anetaresimi i Shqiperise ne strukturat euroatlantike. "Duhet te reformojme kuadrin ligjor ne menyre qe askush, qofte ky Presidenti i Republikes, qe ka edhe detyren e Kryetarit te Keshillit te Larte te Drejtesise, as Kryeministri, as Kryetari i Parlamentit, as institucionet kolegjiale, te mos kene shans te marrin pozicione subjektive, por t'i kene te gjitha te formatuara me ligj. Ky eshte qellimi i reformes", theksoi Presidenti. Keshtu, puna baze do te nise nga ekspertet. "Duhet t'i lene radhen termave juridike dhe te dy se bashku te realizojne ate kombinacionin fitues qe kjo reforme me se fundi te vije dhe te elaborohet hap pas hapi, ne menyre qe institucionet te dalin nga kjo gjendje, ku etiketohen te korruptuara, ku edhe sondazhet qytetare duhet te merren ne konsiderate dhe, nga ana tjeter, ajo cka eshte me e rendesishme, te dalin nga fokusi i sulmeve politike", tha Topi.
Presidenti shpjegoi se Keshilli i Larte i Drejtesise do te vazhdoje debatin per marrjen e mendimeve te te gjithe komunitetit te juristeve e qytetareve ne rrethet kryesore te vendit, per te pare nga afer problemet me drejtesine. Ne perfundim te kesaj fushate, Kuvendi do te kete nje platforme dhe qendrim te perbashket juridik te te gjithe komunitetit te gjyqtareve dhe perfaqesuesve te sistemit te drejtesise per reformen. "Sot ka arritur puna qe per drejtesi kane nevoje te gjithe, nga drejtesia nuk do te shpetoje asnje individ", paralajmeroi kreu i shtetit. Topi beri edhe nje here thirrje per realizimin e reformes dhe mbajtjen e premtimeve nga ana e partive politike, qe muaj me pare deklaruan vullnetin per realizimin e reformes. "Kjo do te vleje shume edhe per forcat politike, sepse zgjedhjet politike gjithmone jane periodike, sa me shume ta realizojme kete pune, aq me shume do te rritet besueshmeria e forcave politike", vijoi Presidenti. Organizimi i debatit te hapur publik nga Keshilli i Larte i Drejtesise nen kujdesin e Presidentit per reformen ne drejtesi, eshte i pari qe zhvillohet ne kete forme. Ne takim moren pjese gjyqtare, prokurore, perfaqesues te trupit diplomatik e te organizatave te huaja, qe asistojne vendin tone ne fushen e drejtesise, deputete etj.
Zgjidhja
Reforma ne drejtesi do te lihet ne doren e eksperteve e juristeve profesioniste per t'i kaluar me pas politikes. Sipas Presidentit Bamir Topi, profesionistet duhet t'i japin nje material gjysme te gatshem politikes, qe natyrisht do te zhvilloje debatin e vet politik dhe do te marre vendime te rendesishme ne Parlament, atje ku shprehet vullneti politik i popullit shqiptar. Proces ky qe do zgjase disa muaj me radhe.
Debati
Per here te pare, Keshilli i Larte i Drejtesise organizoi dje nje debat te hapur per reformen ne drejtesi. Debati do te vijoje dhe do te merren mendimet e te gjithe komunitetit te juristeve e qytetareve ne rrethet kryesore te vendit mbi problemet qe ata mendojne se ka drejtesia sot. Levizja e drejtuar nga Presidenti Topi do te perfundoje pas disa muajsh me nje produkt qe mendohet te jete dhe reforma e duhur ne drejtesi.