Reforma elektorale Gjana Te mos ndryshoje sistemi

Nuk ndryshohet sistemi zgjedhor sa here ka zgjedhje te pergjithshme. Ne kushtet e debatit te reformes zgjedhore dhe kur kalimi ne sistem propocional me korrektim kombetar apo ne ate propocional kombetar ze perdite me shume vend ne fjalorin e hartuesve te kodit te ri zgjedhor, demokrati Jemin Gjana kundershton. Si ish hartues i kodeve te meparshme elektorale, Gjana thote  se nuk nderrohen sistemet kur me te jane kryer vetem nje pale zgjedhje. Le ta leme propocionalin rajonal te konfirmje veten sugjeron ai.

"Nuk ndryshohen sistemet sa herë që ka zgjedhje. Përvecse që ka një praktikë botërore e cila në Shqipëri në fakt nuk është respektuar. Kur bëhen ndryshime të thella në sisteme zgjedhore, nuk bëhen për mandatin ose për zgjedhjet e rradhës. Bëhen për një palë zgjedhje më tutje me qëllim që aktorëve as mos tu jepet mundësia që të ndikojnë në zgjedhjet e rradhës në favor të një pale ose një pale tjetër, po dhe për tu dhënë mundësi aktorëve që të përgatiten për një palë zgjedhje që janë për një mandat tjetër më shumë. Nuk besoj se Shqipëria ka luksin që sa herë të ketë zgjedhje të përgjithshme të ndryshojë kodin elektoral", tha Jemin Gjana. Gjana thote se debati per reformen zgjedhore ne formen sesi ka nisur po politizohet dhe po i largohet diskutimit teknik qe ne te vertete nevojitet.  

Rovena Mocka