"Reforma per anetaresim te plote ne NATO ne 2009"

Ministri i Mbrojtjes, Gazmend Oketa garantoi dje Zevendes Sekretarin Amerikan te Mbrojtjes Gordon England, se Shqiperia do te vazhdoje rrugen e reformave me bindjen se Samiti i ardhshem i NATO-s ne 2009 do te shenoje anetaresimin e plote te Shqiperise. Ne takimin qe zhvilloi me England, Oketa vleresoi frymen e shkelqyer te bashkepunimit mes vendeve dhe vullnetin per te vazhduar ne te ardhmen perpjekjet e perbashketa ne pergatitjen dhe modernizimin e Forcave tona te Armatosura. "Edhe ne te ardhmen SHBA do te gjeje tek Shqiperia dhe FA aleatin e sigurt ne perpjekjet per demokraci, paqe e siguri globale", u shpreh ministri. Nga ana e tij, England nenvizoi faktin se SHBA dhe Shqiperia kane qene partnere per shume vite dhe vendet tona ndajne perkushtimin ndaj cuarjes perpara te paqes e begatise anembane rajonit te Ballkanit. "Ushtria shqiptare mbeshtet nje numer perpjekjesh paqeruajtese te OKB-se dhe po luajne nje rol kritik ne Irak dhe Afganistan. Amerika eshte thellesisht mirenjohese per kontributet dhe sakrificat e shumta te vendit tuaj", u shpreh ai. Sipas England, Shqiperia mori ftesen zyrtare per te hyre ne NATO prillin e kaluar dhe te gjithe presim me kenaqesi partneritetin e plote ne prillin qe vjen.