Reforma, te vegjlit kerkojne mbeshtetjen e SHBA

Kreret e partive te vogla politike tentuan serish dje te sensibilizojne nderkombetaret per te frenuar votimin ne Kuvend te ndryshimeve Kushtetuese dhe reformes zgjedhore. Perfaqesues te partive PAD, LSI, PDS dhe PBLD pak ore para votimit ne seancen e pasdites, u ankuan tek ambasadori amerikan, Xhon Uithers, me shpresen per ndergjegjesimin e nderkombetareve dhe frenimit te ketyre zhvillimeve ne vend. Takimi u zhvillua ne ambasaden amerikane ne 10:30 te paradites se djeshme, ku perfaqesues te forcave te vogla politike paraqiten para ambasadorit Uithers te gjithe mllefin ndaj aleances, sic e quajten ata, PD-PS, per reformen dhe ndryshimet ne Kushtetute. Nje prej deputeteve ne takim, nenkryetari i LSI, Pellumb Xhufi, tha per gazeten se partite e vogla paraqiten tek ambasadori rezervat mbi menyrat qe PD-PS kane zgjedhur per te kaluar ndryshimet kushtetuese. "Ne shfaqem te gjitha rezervat si per reformen zgjedhore, e miratuar vetem nga PD-PS, si dhe me ndryshimet kushtetuese, qe po tentohen te kalohen pa u shqyrtuar si duhet", tha Xhufi. Sipas tij, ambasadori Uithers i degjoi me vemendje te gjitha rezervat e te vegjeve dhe i mbeshteti ne arsyetimin e tyre se ndryshimet kushtetuese kerkojne analiza te gjera. "Uithers mbajti shenime e na degjoi me vemendje. Ne i shpjeguam me detaje se cfare menyrash jane zgjedhur per te ndryshuar Kushtetuten", vijoi Xhufi. Ky ishte takimi i radhes qe partite e vogla zhvilluan me ambasadorin amerikan, Uithers, me te cilin kishin kerkuar takim para nje jave, qe kur shpertheu debati mbi ndryshimet e Kushtetutes, por dhe te reformes zgjedhore me konsensusin e partive te medha politike. R.Rapushi

Takimi me Lohan, javen e kaluar

Vetem pak dite me pare, kreret e partive te vogla zhvilluan nje takim me ambasadorin e Komisionit Evropian ne vend, Helmut Lohan. Se bashku te vegjlit u ankuan te Lohan per ndryshimet kushtetuese dhe per reformen zgjedhore. Lohan i mbeshteti per ankesat e bera se ndryshimet kushtetuese, por edhe ato per reformen zgjedhore, kane nevoje per diskutime te gjera mes te gjitha forcave politike. Madje, Lohan u shpreh i cuditur nga ndryshimet e shumta dhe te shpeshta qe po kerkohet t'i behen Kushtetutes ne Shqiperi, si dhe sugjeroi konsultime me eksperte per kete ceshtje.