Reformat, Berisha kerkon konsensusin e opozites

Pas kalimit te reformes zgjedhore, kryeministri Berisha publikisht ka kerkuar mbeshtetjen e opozites edhe per perfundimin e reformes ne drejtesi.

“Ftoj opoziten, ne interes te vendit, t’i permbahet paktit te votuar ne Parlament, sikunder e garantoj se ne shkojme me keto ligje”, ka deklaruar Berisha.

Por duket se ne axhenden politike te kryeministrit, dosja elektorale qendron ende e hapur. Ne nje takim me pushtetaret vendore, kryeministri ka zgjedhur te lancoje ndarjen e re territoriale te vendit si nje nga reformat e rendesishme, miratimi i se ciles kerkon 84 vota ne Parlament.

“Ne jemi te vendosur te ndermarrim nje hap tjeter perfundimtar ne ndarjen territoriale te vendit, reforme kjo qe kerkon konsensus. Por te gjitha forcat politike jane te bindura se duhet te bashkepunojne ne nje kohe sa me te shkurter”, ka pohuar Berisha.

Kjo ishte fjalia e vetme qe kryeministri tha per ndarjen territoriale te vendit, duke mos qartesuar nese ky projekt prek apo jo kufijte aktuale te 12 qarqeve te vendit, ne baze te te cilave do te zhvillohet e gjithe beteja e ardhshme elektorale.

Per vite me radhe ceshtja e krijimit te hartes zgjedhore dhe perputhja e tyre me interesat dhe hartat e mbeshtetesve te 2 partive me te medha, ka hapur debate te forta politike, duke angazhuar deri ndermejtesimin e OSBE-se ne vitin 2004.

Kesaj radhe, nese projekti synon te behet ne menyre te njeanshme nga qeveria perpara zgjedhjeve parlamentare, kjo do te sjelle se paku prishjen e klimes zgjedhore dhe ate pak besim qe u ngrit mes paleve pas miratimit te Kodit Elektoral.