Regjistrimi i popullsisë së Kosovës në vitin 2011

Prishtinë - Përfaqësuesi i posaçëm i Bashkimit Evropian në Kosovë, Piter Feith, thotë se zgjedhjet e përgjithshme në Kosovë do të mbahen nga fundi i vitit 2011. Por, sipas tij, më parë duhet të ketë një regjistrim të popullsisë që do të organizohet në fillim të vitit 2011. Githashtu ai tha se në kalendar ka edhe një numër ngjarjesh të tjera të rëndësishme si studimi i fizibilitetit që Kosova të kalojë në procesin e stabilizimit e asociimit, i cili do të kryhet këtë vit nga komisioni.

"Do të ketë një raport të përparimit. Pra, ka një numër afatesh të rëndësishme që janë vendosur dhe për të cilat duhet punuar", tha Feith në një intervistë për BBC-në gjatë qëndrimit në Londër.