Regjistrohet radioaktiviteti, 30 km nga brigjet e Japonisë
Shkencëtarët japonezë kanë regjistruar përqëndrime radioaktive të izotopit jodin 131 dhe ceziumit 137 në disa mostra të ujit të detit 30 km nga brigjet, tha Agjencia Ndërkombëtare për Energji Bërthamore.
"Përqëndrimet e jodinit janë mbi nivelin e kufijve të përcaktuar në Japoni", ndërsa nivelet e ceziumit ishin nën këto kufij", tha agjencia me seli në Vjenë.
Autoritetet japoneze ia dhanë agjencisë të dhënat nga mostrat e mbledhura në 22 dhe 23 mars.