Reja, i lumtur të mbetet

Trajneri i Lazios, Edy Reja, ka bërë të ditur se është i lumtur në klub dhe synon të qëndrojë edhe për së paku një sezon tjetër, pas fitores 2-1 ndaj rivalit Roma të dielën.

Reja kishte dhënë dorëheqje më 22 shkurt pas mosmarrëveshjeve me kryesinë e klubit. Por, ai ndërroi mendjen dhe vazhdoi drejtimin e skuadrës.

“Çka ka ndryshuar prej kur kam dhënë dorëheqje e deri më tani? Kam sqaruar pozitën time me presidentin dhe kemi vendosur të qëndroj deri në fund të sezonit, ndoshta edhe më tepër”, deklaroi ai për Mediaset Premium.