Rekrutet e Bunavise ne rreshtore, zhvillohet ceremonia per stervitjen

Vlore- Kaosi i krijuar ne repartin e grumbullimit te rekruteve ne Bunavi te Vlores gjate diteve te fundit, eshte shoqeruar dje me nje ceremoni te celjes se stervitjes te te rinjve te marre me force. Ne brigaden e stervitjes nisi dje edhe sezoni i ri stervitor. Nderkohe qe familjaret e te rinjve kane akuzuar per shkelje te te drejtave te njeriut, gjate operacionit te rekrutimit, pasi djem te moshave 19-22 vjec u moren ne banesa dhe ne rruge nga Policia Ushtarake dhe ajo e Rendit ne shume rrethe. Ne ceremoni ka qene i pranishem edhe shefi i Shtabit te Pergjithshem, Maksim Malaj, si dhe drejtues te tjere te larte te ushtrise shqiptare. Komandanti i Doktrinave, Sander Lleshi, deklaroi dje se te rinjte nuk jane marre me force, por se ishin njoftuar me pare per detyrimin ushtarak. Per 9 jave ne kete baze do te behet stervitja e te rinjve, per te vijuar me pas shperndarja e tyre sipas reparteve. Kreu i ushtrise Malaj, gjate pershendetjes iu drejtua ushtareve te rinj, se "neser ju mund te beheni edhe ushtarake te denje te Forcave te Armatosura Shqiptare". Malaj foli edhe per te ardhmen e Shqiperise si anetare e NATO-s, si shenje inkurajuese edhe per rekrutet e rinj. Komandanti i doktrinave Sander Lleshi, iu pergjigj interesimit te mediave ne lidhje me menyren e rekrutimit. Ai tha se "jane zbatuar vetem hapesirat ligjore per rekrutimin e te rinjve, duke respektuar kuadrin ligjor".

Pagesat

Komandanti Sander Lleshi shpjegoi se jane bere gjithe lajmerimet paraprake, ndersa pjesa e detyrimit per sherbimin ushtarak, ende eshte ne fuqi dhe e zbatueshme. Ne lidhje me pagesat qe kane ofruar disa prej te rinjve, ai deklaroi se ne momentin qe behet rekrutimi nuk mund te kryhet me pagesa ligjore.

O.Hila