Renia lekut, 47 milione euro minus ne tregtine me jashte
Renia e vleres te lekut ne kembim me euron ka dhene nje efekt negativ ne bilancin e pagesave me rreth 47 milione euro, vetem per tremujorin e dyte dhe te trete te vitit, atehere, kur nisi edhe zhvleresimi me i madh i lekut. Efekti erdhi si rezultat i tregtise se mallrave, sherbimeve dhe kapitaleve. Pasi gjate kesaj periudhe shqiptaret harxhuan me shume leke per te blere euron qe u duhej per import mallrash dhe sherbimesh. Hendeku i krijuar ne tregtine me jashte nga efektet e kursit te kembimit jane te zakonshme per te gjithe ekonomite. Te pakten ne dekaden e fundit ekonomia vendase ka shfaqur imunitet per shkak se, monedha vendase leku ka ardhur ne forcim te vazhdueshem, aq sa ne disa raste ekspertet e kane konsideruar forcimin e lekut si pengese per eksportet e vendit. Kohet e fundit monedha vendase e ka frenuar renien perballe euros, duke u kembyer ne vleren e 1euro me 137 leke. Nje vit me pare kjo kuote eshte 123 leke. Mirepo, dalja e vendeve te Bashkimit Evropian nga recensioni pritet te ringjalle eksportet shqiptare drejt ketyre vendeve, prurjet e emigranteve, faktore, keto qe do te ndikojne ne forcimin e vlerave te lekut. Oferta valutore ka pesuar nje renie per shkak te reduktimit te te ardhurave nga eksportet dhe njekohesisht fluksit te te ardhurave nga sherbimet, kryesisht nga aktiviteti turistik, por dhe sherbime te tjera si ato te transportit, te telekomunikacionit, etj. Ne pergjithesi nuk kane perballuar nje kerkese ne rritje e cila eshte stimuluar me shume nga kerkesa e turizmit te brendshem per me shume mallra dhe sherbime qe do te thote se nga njera ane kerkesa per importe eshte rritur, nga ana tjeter oferta monetare ne valute te huaj per te perballuar keto kerkesa te rritura per importe nuk ka qene ne nivelin e duhur. Zhbalancimi mes kerkeses dhe ofertes i stimuluar nga kriza nderkombetare dhe efektet e saj ne ekonomine e brendshme jane arsyeja qe leku ka pesuar zhvleresim, kane sqaruar ekspertet e ekonomise. Ne vendin tone monedha e perbashket perdoret per kryerjen e 30 per qind te transaksioneve. Tregu i pasurive te patundshme perdor euron per shitje-blerjet.