Reps, helmim masiv në kampin e punëtorëve
• MIRDITE – Helmim masiv nga ushqimi në kampin e punëtorëve që ndërtojnë segmentin Rrëshen-Kalimash të autostradës Durrës-Morin.
Burime nga brenda kampit të vendosur në Reps pohojnë se rreth 100 punonjës, shqiptarë dhe turq kanë shfaqur mesditën e së enjtes shenjat e një helmimi nga ushqimi menjëherë sapo kanë përfunduar drekën në mensën e përbashkët. Në menunë e ditës përfshihej mishi i viçit, tek cilësia e të cilit kanë dyshuar pjesa më e madhe e të prekurve nga helmimi. Sipas tyre, sapo kanë përfunduar drekën u janë shfaqur shenjat e para, si: diarre, të vjella e marrje mendsh. Me shpejtësi ka vepruar ekipi mjekësor i instaluar në kampin e punëtorëve të firmës “Bechtel-Enka”, të cilët kanë përballuar me barnat e nevojshme emergjencën e krijuar. Ngjarjen e ndodhur në kamp e kanë bërë të ditur vetë punëtorët shqiptarë, banorë të Mirditës e Kukësit. Ndërkohë, të pyetur për këtë rast, mjekët e spitaleve të qyteteve të Rrëshenit apo Laçit kanë pohuar se nuk janë lajmëruar nga drejtuesit e firmave për të ndihmuar të sëmurët. Ditën e djeshme, punëtorët i janë rikthyer detyrave të tyre, në gjendje të përmirësuar, pavarësisht orëve të kaluara. Deri dje, në kamp nuk ka pasur asnjë kontroll nga ana e specialistëve të Shëndetit Parësor në rreth, ndërsa pritet që ai të zhvillohet në ditët e ardhshme, për të shmangur një përsëritje të situatës së krijuar gjatë të enjtes.
Burime nga brenda kampit të vendosur në Reps pohojnë se rreth 100 punonjës, shqiptarë dhe turq kanë shfaqur mesditën e së enjtes shenjat e një helmimi nga ushqimi menjëherë sapo kanë përfunduar drekën në mensën e përbashkët. Në menunë e ditës përfshihej mishi i viçit, tek cilësia e të cilit kanë dyshuar pjesa më e madhe e të prekurve nga helmimi. Sipas tyre, sapo kanë përfunduar drekën u janë shfaqur shenjat e para, si: diarre, të vjella e marrje mendsh. Me shpejtësi ka vepruar ekipi mjekësor i instaluar në kampin e punëtorëve të firmës “Bechtel-Enka”, të cilët kanë përballuar me barnat e nevojshme emergjencën e krijuar. Ngjarjen e ndodhur në kamp e kanë bërë të ditur vetë punëtorët shqiptarë, banorë të Mirditës e Kukësit. Ndërkohë, të pyetur për këtë rast, mjekët e spitaleve të qyteteve të Rrëshenit apo Laçit kanë pohuar se nuk janë lajmëruar nga drejtuesit e firmave për të ndihmuar të sëmurët. Ditën e djeshme, punëtorët i janë rikthyer detyrave të tyre, në gjendje të përmirësuar, pavarësisht orëve të kaluara. Deri dje, në kamp nuk ka pasur asnjë kontroll nga ana e specialistëve të Shëndetit Parësor në rreth, ndërsa pritet që ai të zhvillohet në ditët e ardhshme, për të shmangur një përsëritje të situatës së krijuar gjatë të enjtes.