Republikanët braktisin takimin me Biden

Negociatorët republikanë janë larguar të nxehur nga bisedimet me zëvendëspresidentin amerikan Joe Biden, për mënyrat e reduktimit të borxhit të vendit.

Departamenti amerikan i Thesarit ka paralajmëruar rreziqet për “default” që i kanosen SHBA në rast se Kongresi nuk autorizon më shumë hua në muajin gusht.

Zoti Biden ka deklaruar se tani i takon presidentit Obama dhe liderëve të republikanëve në Kongres që të vendosin për më tej.

Republikanët po u bëjnë ballë propozimeve të demokratëve për ngritje të taksave në cdo marrëveshje.

Ata thonë se një rritje e tillë, deri në 400 miliardë dollarë mbi korporatat dhe të pasurit, do t’i zërë frymën rimëkëmbjes ekonomike.