Reshjet, permbyten rruge e banesa

Tirane- Reshjet e panderprera te shiut qe kane nisur mbremjen e se premtes dhe kane vazhduar pergjate gjithe dites se djeshme, kane sjelle permbytje ne disa zona te vendit. Problemet me te medha jane hasur ne rrethet e Durresit, Krujes, Lezhes, Krujes dhe Peshkopise. Shkak mesohet te jete bere bllokimi i kanaleve kulluese. Si pasoje e mos shkarkimit te tyre jane mbuluar nga uji rruge te tera te zones se ish- Kenetes, Spitalles dhe Ures se Dajlanit ne rrethin e Durresit, duke bllokuar levizjen e automjeteve dhe qytetareve ne kete zone. E njejta situate ka ndodhur edhe ne fshatrat e Krujes, si ne Murqine dhe Mallkuc. Uji i rrembyer ka permbytur jo vetem katet e para te banesave, por edhe dy shkolla 9-vjecare te Porto Romanos dhe shkollen "Olsi Lasko" ne Shkozet. Autoritetet vendore kane reaguar menjehere pas situates se krijuar, duke shpjeguar se jane duke marre te gjitha masat e nevojshme per largimin e ujit, per te ndihmuar qarkullimin e qytetareve dhe te automjeteve. Ne lidhje me situaten e krijuar prefekti i qytetit te Durresit Genc Alizoti, sqaroi se shtabi i emergjences ishte mbledhur gjate oreve te nates per te marre masat per te perballuar situaten. Sipas tij, e gjithe kjo situate e rende eshte shkaktuar pasi nuk eshte bere pastrimi i plote i kanalit, per shkak dhe te ndertimeve pa leje qe jane ndertuar mbi kolektor. Nje arsye tjeter e mosfunksionimit te kanaleve te kullimit te ujit, ka qene edhe bllokimi i tyre nga mbetjet plastike dhe inertet qe banoret kane hedhur, duke bere qe uji te mos shkarkohej, por te kthehej mbrapsht. Nje grup pune eshte ngritur per te shkuar ne zonat e permbytura, per te verifikuar te gjitha demeve te shkaktuara si pasoje e permbytjeve ne zonat e Durresit.

Reshjet e rena panderprerje, kane perkeqesuar situaten edhe ne rrethin e Lezhes. Sic ndodh shpesh ne kete zone ne kohe me reshje, me dhjetra banesa jane pushtuar nga uji. Ne fshatin Barbulloje rreth 70 familje jane bllokuar per ore te tera. Ne kete zone si gjithmone shkak i permbytjeve behet mosfunksionimi i kanaleve kulluese.