Rexhep Qosja: Aleanca Rama-Meta, e padëshiruar e nevojshme
Ndodh që në jetën politike, madje, në jetën shoqërore në përgjithësi një e padëshiruar kur e kur të quhet e nevojshme, madje, e domosdoshme.
Kështu është shprehur akademikuu Rexhep Qosja mbi koalicionin parazgjedhor PS-LSI.Sipas tij ky koalicion është një e Padëshiruar e nevojshme.
Me konstatimin e tillë se koalicioni parazgjedhor PS-LSI është një e Padëshiruar e nevojshme, unë u jap të drejtë si atyre që jjanë përpjekur dhe e kanë sendërtuar këtë koalicion, domethënë Kryetarit Edi Rama e Kryesisë së Partisë Socialiste dhe kryetarit Ilir Meta e Kryesisë së Lidhjes Socialiste për Integrim, ashtu edhe atyre që po e kundërshtojnë këtë koalicionin, duke e mbuluar me fjalë mospajtimi dhe zhvlerësimi, shprehet Qosja.
Ai konstaton se fajtorët për konfliktin në të majtën shqiptare janë Meta, Nano dhe Rama, dhe pa pavarësisht tradhëtisë së Metës sërish rikthimin e tij e konsideron të nevojshëm.
E, po, ndodh që në jetën politike, madje, në jetën shoqërore në përgjithësi një e padëshiruar kur e kur të quhet e nevojshme, madje, e domosdoshme. Politika është një veprimtari shumë e përbërë, bërësit e së cilës, krijuesit dhe zbatuesit e së cilës, jo rrallë shtrëngohen të zgjedhin midis të keqes më të vogël dhe të keqes më të madhe.
Koalicionin PS-LSI, në të vërtetë zgjerimin e koalicionit të majtë me LSI-në, e bëjnë të nevojshëm zgjedhjet e 23 qershorit, në të cilat vendoset për ardhmërinë e Shqipërisë, pohon Qosja.
Edhe Qosja i qëndron idesë se ky koalicion garanton sigurinë e votës.
Krijimi i koalicionit parazgjedhor me Lidhje Socialiste për Integrim nuk mendoj se e dëshmon mungesën e besimit në vetvete të opozitës për të fituar zgjedhjet; jo; mendoj se me krijimin e këtij koalicioni Partia Socialiste dhe opozita në përgjithësi duan ta rrisin sigurinë edhe më tepër për fitoren në zgjedhjet e 23 qershorit- dhe shton se Rilindja është një program politik ndër më të mirët.
Akadamiku Qosja thejkson se ikja e Berishës dhe e Topallit është interes kombëtar.
Pa largimin e tyre nga pushtetit, mdje , edhe pa largimin e Sali Berishës nga Partia Demokratke e shqipërisë, Shqipëria nukk do të bëhet shtet demokratik dhe normal. Deris të jenë ata në pushtet e në Partinë Demokratike , shoqëria shqiptare, shteti shqiptar, Shqipëria do të jetë një e shënuar e kjo e shënuardomethënë e pushtuar prej gjuhës vulgare politike, prej sjelljeve të egra,prej shkeljes së Kushtetutës e të ligjeve …
.Në një porosi kolegiale ai fton Skënder Gjinushin, Bamir Topin, paskal Milon, Petro Koçin, Spartak Ngjelën, Kreshnik spahiun , Preç Zogajn, Pandeli Majkon, Ben Blushin, Erion Braçen, që të bashkohen dhe të fitojnë zgjedhje e 23 qershorit.
Ai nënvizon për GSH-në se:Më 23 qershor , Shqipërinë do shpëtuar prej fatkeqësisë , që po i qëndron në shpinë e në shpirtë: do shpëtuar prej dy vetjeve që skanë higjenë as në mendime , as në veprime politike-prej Sali Berishës dhe Jozefina Topallit./A.XH