Rexhep Qosja: Zgjidhja, Presheva në Kosovë, Veriu në Serbi
KOSOVE - “T’i mbash me zor serbët e Kosovës dhe shqiptarët e Luginës së Preshevës nën një shtet që nuk e duan është jo e drejtë dhe jo demokratike, që ndryshe mund të thuhet t’i mbash ata nën okupim”. Kështu deklaroi akademiku Rexhep Qosja në një intervistë ekskluzive për agjencinë Presheva Jonë.
Rexhep Qosja shprehet në favor të shkëmbimit të territoreve me Serbinë, për t’i dhënë siç tha ai, një zgjidhje përfundimtare çështjes së Kosovës.
“Unë mendoj se për t’u zgjidhur përfundimisht çështja e Kosovës, duhet të zgjidhet edhe një brengë e brendshme në Kosovë, për t’u çliruar nga serbët e veriut dhe kush është interesuar nga këta serbë nga brendia e Kosovës, mund të kalojnë atje në veri dhe ajo pjesë t’i jepet Serbisë, ndërsa Lugina e Preshevës t’i bashkohet Kosovës. Do të thotë të bëhet shkëmbimi i territoreve, për të cilin opsion unë jam dakord”, - deklaroi akademiku.
Ndërsa thekson se në dekadat e fundit janë arritur mjaft suksese në avancimin e proceseve të kombit, Qosja konsideron se çështja shqiptare në Ballkan ende nuk është e zgjidhur përfundimisht.
“Shqiptarët sivjet e kremtojnë 100-vjetorin e pavarësisë e duke e pritur atë mirë si kurrë herë më parë. Edhe pse ky ishte shekulli ynë, çështja shqiptare në Ballkan nuk është zgjedhur si duhet, nuk është zgjidhur drejtë dhe çështja shqiptare ende nuk është e zgjidhur përfundimisht.” - vijon Qosja.
(er.nu/BalkanWeb)
Rexhep Qosja shprehet në favor të shkëmbimit të territoreve me Serbinë, për t’i dhënë siç tha ai, një zgjidhje përfundimtare çështjes së Kosovës.
“Unë mendoj se për t’u zgjidhur përfundimisht çështja e Kosovës, duhet të zgjidhet edhe një brengë e brendshme në Kosovë, për t’u çliruar nga serbët e veriut dhe kush është interesuar nga këta serbë nga brendia e Kosovës, mund të kalojnë atje në veri dhe ajo pjesë t’i jepet Serbisë, ndërsa Lugina e Preshevës t’i bashkohet Kosovës. Do të thotë të bëhet shkëmbimi i territoreve, për të cilin opsion unë jam dakord”, - deklaroi akademiku.
Ndërsa thekson se në dekadat e fundit janë arritur mjaft suksese në avancimin e proceseve të kombit, Qosja konsideron se çështja shqiptare në Ballkan ende nuk është e zgjidhur përfundimisht.
“Shqiptarët sivjet e kremtojnë 100-vjetorin e pavarësisë e duke e pritur atë mirë si kurrë herë më parë. Edhe pse ky ishte shekulli ynë, çështja shqiptare në Ballkan nuk është zgjedhur si duhet, nuk është zgjidhur drejtë dhe çështja shqiptare ende nuk është e zgjidhur përfundimisht.” - vijon Qosja.
(er.nu/BalkanWeb)