Rezarta Smaja ndan emocionet pas performancës së “Balukeprera” në Fest 64

Rezarta Smaja ka rrëfyer emocionet që përjetoi në skenën e Fest 64, gjatë një bisede me Andri Xhahun dhe Antoneta Koccin, menjëherë pas interpretimit të këngës së saj “Balukeprera”.

Këngëtarja u shpreh se emocionet e skenës janë gjithmonë pozitive për të dhe se kjo këngë ka një vend të veçantë në zemrën e saj.

“Emocioni nuk më mposht ndonjëherë, emocionet i kam gjithmonë të mira. Këtë këngë unë e quaj një këngë ëndërruese, një këngë që na çon pak mbrapa, por jo vetëm, sepse edhe sot jemi në kohën e grave të forta shqiptare që nuk mposhten asnjëherë,” tha Smaja.

Ajo shtoi se “Balukeprera” është një prej këngëve që e ka prekur që në momentin e parë dhe që do ta shoqërojë gjatë gjithë jetës.

“Është një nga ato këngët që kanë hyrë në zemrën time që në momentin e parë dhe do të ngelë gjithë jetën. Të gjitha gratë dhe vajzat shqiptare janë të forta,” u shpreh artistja.

/rtsh.al/