Rifillojnë manovrat ruso-ukrainase

Shtatmadhoria e Ukrainës njoftoi se forcat e Rusisë dhe të Ukrainës do të rifillojnë me manovra detare, që për të herë të fundit u mbajtën shtatë vjet më parë.

Agjencia ruse Interfax njoftoi se manovrat dypalëshe do mbahen në qershor, dhe se do të përfshijnë luftanije dhe qindra ushtarë që operojnë në siujdhesën ukrainase të Krimesë, në Detin e Zi.

Pas zgjedhjes së Viktor Janukovich për president, ai deklaroi se prioritet kryesor i politikës së jashtme ukrainase do të jetë përmirësimi i marrëdhënieve me Rusinë.