Rihapet pas 8 ditësh aeroporti i Bangokut

Bangok - I është dhënë fund edhe bllokimit të mëse 100 mijë turistëve të mbetur në Bangok, të cilin ishin detyruar të qëndronin atje pas mbylljes së aeroportit në kryeqytetin e Tailandës. Pas tetë ditësh ndërprerjeje fluturimesh,aeroporti i është kthyer normalitetit. Sipas zëdhënëses së shoqatës ajrore tajlandeze, fluturimet do të vazhdojnë me të njëjtin ritëm si më parë, ndoshta gjatë kësaj jave numri i tyre mund të jetë më i madh për shkak të turistëve që kanë mbetur të mbyllur në vend.