Rikthehen maskat grabisin 7 klandestine

Kater persona te maskuar dhe te armatosur jane kthyer ne grabites te klandestineve qe kalojne permes pyllit ne afersi te Konispolit. Viktima te skenarit te tyre kane rene 7 klandestine ne tentativen e tyre per te kaluar kufirin jugor me Greqine. Duke ecur neper nate ne shtegun me te perdorshem qe njihet si Perroi i Manetes ne Konispol grupi i klandestineve ka rene ne priten e ngritur prej tyre. Ata u kane dale perpara me maska dhe nen kercenimin e armeve i kane detyruar klandestinet te dorezojne aq leke dhe euro sa kishin ne udhetimin e tyre aventuror e deri dhe telefonat celulare qe ata te mos kishin mundesi te njoftonin per grabitjen dhe grabitesit. Viktimat e kane denoncuar ngjarjen ne policine lokale. Pas nje ore ne ndjekje te grabitesve eshte bere e mundur qe ata te kapen dhe te arrestohen pasi u jane gjetur te hollat dhe sendet e grabitura nga klandestinet. Ne automjetin me targa SR6065B jane gjetur maskat e armet ndersa u arrestuan Atdhetar Prroi Vladimir Marku Florin Cupi dhe Nikolin Marku.