Rikthehet mesatarja per Mjekesine dhe Gjuhet e Huaja

Probabiliteti qe te rikthehet mesatarja si kriter per pranimet ne universitete eshte shume i madh. Propozimi eshte bere, tashme ngelet qe ta thote fjalen e saj Ministria e Arsimit dhe e Shkences, si dhe Keshilli i Ministrave. Numri nje i Universitetit te Tiranes deklaroi nevojen e futjes se mesatares, si kriter ne disa fakultete, per shkak te specifikes se tyre. Keshtu, sipas Kules, Fakulteti i Mjekesise ka propozuar qe kandidatet per studente ta kene noten mesatare te kater viteve mbi 8,5 per disa lende "te zanatit". Behet fjale per biologjine, kimine, fiziken dhe matematiken. Nje propozim te perafert ka bere edhe Fakulteti i Gjuheve te Huaja. Sipas rektorit Kule, ky fakultet ka propozuar qe kandidatet per studente ta kene mesataren e 4 viteve te shkolles se mesme 8 e lart. Nga ana tjeter, kerkohet qe kandidatet ne programin e studimit ne gjuhen angleze dhe ne programin e studimit ne gjuhen frenge duhet te japin si lende me zgjedhje respektivisht keto gjuhe. Nje kerkese tjeter e Fakultetit te Gjuheve te Huaja eshte qe kandidatet per studente te ketij fakulteti duhet te testohen paraprakisht ne gjuhet qe nuk perfshihen ne lendet me zgjidhje (gjermanisht, italisht, greqisht, rusisht, spanjisht dhe turqisht). Pas ketij testimi, duhen pranuar ata studente qe kapin nivelin B te gjuhes, sipas Kuadrit Evropian te references. Rikthimi i mesatares, sipas specialisteve, do te zgjidhte problemin e nivelit te dobet te studenteve keto vitet e fundit, sidomos me procesin e liberalizimit te pranimit te studenteve ne universitete. Rektoret e meparshem te universiteteve kerkuan rikthimin e mesatares si kriter pranimi, duke qene se niveli i kalueshmerise, sidomos ne deget e hapura, ishte i paperfillshem. "Alarmant", madje e cilesuan ish-rektoret nivelin e studenteve, duke kerkuar qe per lende specifike, qe kane lidhje me degen, maturanteve t'u vihet mesatarja, si nje nga kushtet kryesore per t'u pranuar ne universitetet publike te vendit.