Rinisin punimet per rikonstruksionin e rruges Krume-Kukes

Pas nje periudhe nderprerjeje per mungese fondi, punimet e rinisura nje dite me pare per rikonstruksionin teresor te aksit rrugor Krume- Kukes, 31 kilometra, do te perqendrohen ne segmentin e ri Qafe Tobli-Myc-Has, ne nje gjatesi prej 7 kilometrash. Hyrmet Draga, nje prej specialisteve te firmes qe po kryen punimet, pohon se “punimet e rinisura nje dite me pare, do te perqendrohen ne segmentin e ri prej 7 kilometrash Qafe Tobli- Myc Has, ku do te hidhen shtresat e cakullit dhe nenshtresat e tjera. Po ashtu, do te hidhet nje shtrese stabilizanti dhe do te ndertohet nje ure e re ne dalje te qytetit te Krumes”. Ndersa nenprefekti i Hasit, Ismet Jaku, ben te ditur se “te gjitha proceset e punes kane perfunduar, ndersa ka mbetur per t’u kryer edhe procesi i asfaltimit ne te gjithe gjatesine e rruges se rikonstruktuar, gje qe do te mundesoje permiresimin e ndjeshem te levizjes se mjeteve ne kete aks rrugor”. Tashme ka perfunduar zgjerimi i rruges ne te gjithe gjatesine e saj, duke e kthyer kete segment nga rruge me nje kalim, ne dy kalimesh. Fondi per rikonstruksionin teresor te ketij aksi rrugor arrin ne 15 milione euro, akorduar nga buxheti i shtetit.