Ristani: Fletet e votimit, politika na pengoi punen

Kryetari i KQZ-se, Arben Ristani ka deklaruar se ky institucion ka nisur tashme pergatitjet per zgjedhjet e ardhshme per pushtetin vendor. Duke rikonfirmuar serish se fletet e votimit do te digjen sipas vendimit te fundit te dhjetorit te vitit te kaluar, ndersa materialet zgjedhore do te shkojne ne Arkivin e Shtetit. Ne nje interviste per "VOA", Ristani eshte shprehur se ngerci politik ka penguar punen e KQZ-se, por ka nenvizuar se me asgjesimin e fleteve te votimit, procedurat do te zhbllokohen. "Me daljen e dekretit te Presidentit ne shtator te vitit te kaluar, KQZ nisi punen per organizimin e zgjedhjeve lokale. Konflikti politik per kutite na detyroi t'i shtyme disa nga fazat e pergatitjeve dhe jemi paksa te vonuar. Megjithate, kemi gati buxhetin pas vendimit per kutite dhe besoj se brenda 10 janarit do ta mbyllim kete faze", ka pohuar Ristani. Sipas tij, ne mbledhjen ku u vendos djegia e fleteve te votimit, komisioneret u influencuan nga politika dhe jo nga profesionaliteti i tyre. "Mbledhja ishte teresisht ligjore, por qe nuk i shpetoi dot reflektimit politik. Ne vertet jemi zgjedhur nga politika, por jemi zgjedhur si profesioniste te pavarur dhe nuk kemi lidhje me te", eshte shprehur Ristani. Megjithate, ai ka nenvizuar se konsensusi politik eshte i domosdoshem per mbarevajtjen e proceseve ne Komisionin Qendror te Zgjedhjeve. "Ne menaxhuam me konsensus zgjedhjet e kaluara sepse edhe vete politika kishte konsensus. Politika punoi mire ne menaxhimin e zgjedhjeve te kaluara dhe shpresoj te jene te ndergjegjshem dhe te na ndihmojne me konsensusin e tyre ne zgjedhjet qe presim", ka nenvizuar Ristani. "Nese konflikti do vijoje, do reflektoje edhe ne punen tone. Fletet dhe kunderfletet jane asgjesuar me djegie sepse keshtu thote ligji, ndersa materialet e tjera shkojne ne Arkiven e Shtetit", ka shtuar ai. S.P