Ristani lamtumirë KQZ: Përmbushëm me sukses misionin

Në mbyllje të kapitulit 5 vjeçar në drejtimin e KQZ, Arben Ristani bën bilancin e punës së këtij intitucioni, duke deklaruar se pavarësisht kritikave, ekipi i tij ia ka dale të realizojë zgjedhje të mira dhe transparente.
 

Duke mbajtur fjalën në një pritje për përfundimin e mandatit të 7 anëtarëve të institucionit administrues të zgjedhjeve, Arben Ristani tha se për mbajtjen me meritë të stafetës nga KQZ, e drejtuar prej tij, kane merita përfaqësuesit e çdo partie politike.
 

Ndërsa politika është nën ethet e ngritjes së KQZ së re, Ristani u shpreh optimist se formacioni i ri do ia dalë të organizojë zgjedhje që do të kurorëzohen me vlerësimin, zgjedhje me standard europiane.
 

Nga ekipi i vjetër i KQZ-së, pritet të rikonfirmohen përfaqësuesit e PD-së, Hysen Osmanaj dhe Vera Shtjefni. Për Dëshira Subashin, Pandeli Varfin, Klement Zgurin dhe Artan Lazen misoni në KQZ është përmbyllur.
 

Ndërsa Arben Ristani, i shigjetuar nga PS si kreu i një operacioni kriminal për vjedhjen e zgjedhjeve lokale të 2011-tës, prej kohësh kishte deklaruar se nuk do të rikandidonte për një mandat të dytë në krye te ketij intitucioni.
 

Largimi i Ristanit nga KQZ u vu kusht nga PS për rënien dakord me demokratët ne miratimin e reformës zgjedhore.