Roma interesohet për Kasamin
Nga Express më 09 qershor 2011 në ora 11:51
Pajtim Kasami mund të largohet nga Palermo gjatë verës. Mediat zvicerane shkruajnë se mesfushorit shqiptar ia ka vënë syrin Roma. Ai ishte rezervist i rregullt tek ekipi sicilian gjatë sezonit që shkoi.
19-vjeçarin në ekipin nga kryeqyteti italian pritet ta transferojë drejtori sportiv i Romës, Walter Sabatini, i cili një vit më parë ishte drejtor sportiv i Palermos, kur e kishte blerë Kasamin nga klubi zviceran, Bellinzona. Kasami ishte pranë largimit nga klubi Rosanero edhe gjatë janarit, por ai nuk pranoi të luante në Serie B.