Rona Nishliu fiton Festivalin e 50-të në RTSH

TIRANË- Rona Nishliu ka zënë vendin parë në Festivalin 50 –të të Këngës në Radio Televizionin e Shqipërisë, duke u bërë edhe përfaqësuesja e Shqipërisë në Eurovision Song Contest.

Rona Nishliu këndoi këngën “Suus” dhe ishte e vetmja përfaqësuese nga Kosova në këtë festival. Më këtë fitore ajo bëhet edhe e para këngëtare nga Kosova që shkon në Eurovision.

Eurovision Song Contest, mbahet në vitin e ardhshëm në kryeqytetin e Azerbajxhanit, në Baku.

Çmimet e tjera në Festival
Interpretuesja më e mirë: Rona Nishliu (Suus)
Teksti më i mirë: Sokol Marsi (Kristal)
Melodia më e mirë: Endi Sina (Mira vjet)
Çmimi i kritikës: Frederik Ndoci
Çmimi i orkestrimit: Klodian Çafoku.
(ma.ar/BalkanWeb)